Perfect Day

沙田新城市廣場

2008-08-02T20:41:00.001-07:00

昨日五天經過沙田新城市廣場, 看見兩個保安員神色緊張在我身邊跑過,
人潮都紛紛望去頂層, 議論紛紛, 似乎發生了事,
原來有人從廣場高處墮下, 職員快便巳經拿出帆布圍開事發現場,
我只看到一個背包, 人卻看不清楚, 似乎都巳經奄奄一息.

新城市廣場經常都人潮湧湧, 發生這些事實在太不幸,
如果我看見墮下經過, 一定被嚇壞, 商場裡有這麼多小朋友和一家大細行街,
為什麼要發生這些事...

值得一讚的是商場的職員, 當事發之後, 很敏捷地用帆布圍開事發地點,
減底商場遊人的不安和諸事八掛的觀眾, 同時也要疏導一些阻著行人通道的八掛遊人,
這些突發事情處理手法值得學習.

今天早上看報紙, 原來這個人是自殺的, 因什麼事自殺卻不知道,
他爬出八樓玻璃圍欄外危坐, 然後當著數名拯救他的商場保安員面前直跳地下,
一名女保安目擊經過, 更受驚哭泣.

真不幸, 為什麼要選這種人來人往的商場自殺? 連自殺都要這麼自私??

摘自蘋果圖片

星期六長洲半天

2008-06-21T11:40:00.001-07:00

星期六放工約咗ＥＴ一齊入長洲，半年無入過去，今日仲咁鬼好天！！
長洲係我幾鍾意去既地方，每次去都有唔同野玩；
鍾意去沙灘訓覺晒太陽游水又得；
去吓張保仔洞沿海郊遊徑行吓又得；
去踏吓單車買吓手信八吓食吓又得；
海旁坐吓等日落又得；
消磿大半日，閑閑蕩蕩，
又多野食．．．大粒魚蛋，雞翼，串燒，薯圈，雪糕，紅豆糕，
南瓜糕，凍豆花，茶棵；
鍾意長洲的天朗氣清，鍾意入去做遊客．

我體現到中國人的團結精神

2008-05-16T08:08:00.001-07:00

一位機師完成一次空投物資去災區任務後，
對傳媒說: 是國家和黨的栽培，奉獻是應該的．
溫總訓示軍人及醫護員要不怕犠生：是人民養你們，怎樣做你們自己好好想．
一位軍人背著物資徒步入災區救援，
面對傳媒訪問時堅定地說：不幸苦，我是軍人！

就在這種教育下成長，對他們來說能為國家奉獻就是一件光榮的事情．
無論是軍人，醫護，簡單到普通人民，都抱著這種思想，這種熱血．

作為一個特區人，面對這種熱血愛國的激情，我覺得有點慚愧，
"犠生和奉獻" 思想對香港人實在太佰生，
香港教育從來都不灌輸愛國不怕犠生精神，

你可以愛國，但選擇不支持奧運，
支持奧運不等同愛國，愛國也可以支持藏獨．．．
全部都可以cross over
這種是什麼立場？

香港人潛在教育是最緊要夠醒和唔好蝕底．
錢可以捐，捐錢就等同愛國，
這種社會環境下，我們香港人心態都非常現實．
當然國內的同胞都很樂意接受香港人財力支持．

我忽然覺得香港人好孤立，無論在文化和思想層面都離開 "標準" 中國人很遠

最型仔火炬手

2008-05-02T18:42:00.001-07:00

華仔跑得最型！！

此缺德之人:Dumuro 在別人文章放病毒

2008-04-29T06:33:00.000-07:00

嚴重聲名此缺德之人：Dumuro 在別人文章留意見發放病毒，此人相當無聊, 請自我檢討。

Serious reputation of this unscrupulous people: Dumuro left command on my article with virus link, this person is bored。

"呠咇仔" 郊遊樂

2008-04-06T01:24:00.001-07:00

家裡的新"龜"成員，只有4.5cm大，非常可愛活潑，
十足IQ博士裡面的小吉"呠咇呠咇"
就叫牠做"呠咇仔"

愛因斯坦問弗洛伊德

2008-02-05T18:03:00.000-08:00

愛因斯坦問弗洛伊德：人類為什麼進行戰爭？
佛弗洛伊德無語。

人類有歷史以來，戰爭就一直困惑著每一個人
軍事家認為：戰爭是政治的延續；
社會學家認為：戰爭是人類的自毁行為；
生物學家認為：戰爭是男性荷爾蒙的充分釋放。

撰自：攝影之友

2007年聖誕節

2007-12-26T04:37:00.000-08:00

每年聖誕節海運必定人山人海,
這大堆頭佈置增加了聖誕氣氛,
同時也在照片上增加了一大堆人頭.

在最後一天聖誕假期, 我也來了海運,
拍下了2007年聖誕節的一點回憶,
也為自己今年聖誕留一點點回憶.

西貢海旁

2007-12-25T21:37:00.000-08:00

昨天去了西貢海旁走了一轉,

好多人放狗,

我想超過百多隻狗在西貢散步,

大狗細狗...忽然令我都想養番一隻.

有些狗不知好歹, 竟敢在路上拉屎,

令主人要隨街執屎...

記得最後一次我們去西貢散步是7月,

天色一樣的藍, 那天沒有帶相機...

風景是一樣, 但人卻變了

奠熱鬥小魚

2007-12-23T21:02:00.000-08:00

今早發現熱鬥小魚不見了, 原來昨晚它跳了出魚缸,
今早在枱底發現它時, 巳經變了乾屍，

死得好可憐啊！！！
怎麼昨晚沒發現它不見了！！
魚缸只餘下一片掉下來的鱗.

上一次爛尾死不了,
今次竟然慘死.在平安夜的晚上.
熱鬥小魚安息吧...

Element

2007-12-22T10:04:00.000-08:00

圓方, 一個好玄的名字,
細過時候我在大角咀讀小學,
想不到今日的大角咀巳變成了豪宅和大型商場的地標,
商場集合了近來大熱的H&M及Zara兩大巨星,
整個商場都以高消費名店及食店為主,
對象不是一些普羅大眾扶老攜幼的消費羣,
香港人鍾意"新屎坑", 其實這種商場,
去看熱鬧的人多, 餐廳又貴, 但無得選擇之下, 間間都要排長龍,
去過一次, 沒有特別, 沒有必要, 都不會再去了吧.

芭蕾舞員朱研

2007-12-22T09:03:00.000-08:00

朱研. 她是中央芭蕾舞團的首席舞蹈員.
這位面容清秀, 身型纖纖, 身材比例完全標準的芭蕾舞蹈員.

今天晚上看了一個內地製作的電視節目,
節目中訪問了這位傑出的國家一級舞蹈員朱研,
她的芭蕾舞生涯及加入中央芭蕾舞團演出的點滴

從來沒想過當一個舞蹈表演員付出原來是這麼大,
一場的舞台表演相等於一場45分鐘的足球比賽一樣的體力消耗量,
而且舞台表演更是講求肢體美感, 需要用動作和表情來配合演出角色,
其專業和難度, 並不少於一個運動員.

朱趼是一個從小到大都專心一致學習芭蕾舞的女孩,
她今年三十歲, 過去的廿多年青春全都放在跳舞之上,
可是她並不覺得艱苦, 並且對自己的生活感覺幸福,
主持說當一個舞台表演員收入可能比一個歌手唱兩場演唱會還要少,
朱研說並沒有刻意比較, 沒可能比較.....
她真的是很熱愛芭蕾舞, 並把所有的生命都放了上去,
所以她覺得自己幸福.

其實朱研的成就不少, 她的勤奮和刻苦沒有白費了,
並得到了許多國際級的專業比賽奬項.
她更演出了許多芭蕾舞表演劇, 還到世界各地演出,
例如"卡門", "大紅燈籠高高掛"等都擔任主角.
讓世界各地都看到中國芭蕾舞水平,
用芭蕾舞表現一些中式主題例如 "大紅燈籠高高掛"等.

如果下一次中央芭蕾舞團來港演出,
我也想看看朱研的演出.

Merry Christmas

2007-12-22T04:52:00.001-08:00

豹豹要留院

2007-10-10T06:39:00.000-07:00

今晚放工立刻返屋企帶豹豹再去睇醫生,
由星期六開始豹豹巳經冇食野,
星期日睇完醫生又杜唔到蟲,
醫生給我的兩set藥都用完, 豹豹都係唔肯食,
無論係用車厘茄, 香蕉或者菜,
放咗藥佢全部唔肯食,
由早上把藥劑用針筒打咗落菜挭, 直至放工睇到菜都巳經乾晒,
豹豹都似乎無食過.

豹豹留院費係係每日兩佰蚊....
醫生話會再試同佢灌喉餵藥, 最唔理想係佢現在無胃口食野,
好擔心佢...

相反星仔就打完好似無打過咁, 人地話杜咗蟲最初會無胃口,
點知佢仲大食過未杜之前, 仲鬼咁活躍.

豹豹睇著支藥幾無奈...豹豹呀...好掛著你,
希望豹豹可以早日強壯番, 聽日可以去接番佢...

龜龜睇醫生

2007-10-07T06:50:00.000-07:00

今晚帶咗豹豹去睇醫生, 養咗巳經兩個月,
它仍然爛便, 最近胃口亦不好.

去咗大圍一間獸醫院, 醫生把豹豹的便便用顯微鏡驗,
叫我來看一眼顯微鏡, 幾乎嚇壞我, 醫生話它的便便有好多虫,
而且還游游下...這種虫名叫Trichomonas, 雖然我不知道這是什麼虫...
幸好我帶埋星仔一齊去醫生處, 醫生把兩隻都一齊杜虫,
星仔打了一支針, 很合作的張開口把藥灌進胃裡,
但豹豹卻很不合作, 醫生怎樣做它也不肯張咀,
還把頭縮進去, 沒辦法, 醫生建議我把藥帶回家,
嘗試注入食物給它吃下杜虫藥.

豹豹今晚也不會吃東西了.. 醫生給它張口時弄損了一點,
它一定很驚慌...但為了它能長命一點...藥都一定要吃下.

養龜原來咁辛苦...醫生說兩種不同種的龜不應放在一齊,
可是我家地方太細...如果要把它們分開養, 所有器材光管都要買兩份....
天呀...真太困難

睇一次醫生, 兩隻連藥合共七百多元...
我不會再買第三隻. 一般旺角金魚街買回來的龜,
幾乎都一定有虫, 睇醫生杜虫的錢可能貴過買一隻龜...
養它們除了要付出時間, 還要付出很多愛心同錢照顧它們.

星豹物語

2007-09-28T06:55:00.000-07:00

小豹豹一直爛便, 嚇壞我以為它生虫,

留意它幾日的便便, 幸好都無發現有虫...未使帶佢去醫生度杜虫.

不過仍然很擔心它的健康, 有時胃口很好, 有時則吃很少, 而且一直爛便.

至於小星的便便都無發現有虫, 而且便便很完整,

看來它很健康, 每餐都胃口很好, 活潑好動又八掛.

今日同佢地量體重, 小豹豹有6.3g, 甲長有9cm; 小星就有5.5g, 甲長8.5cm

小星星要再努力長胖啊!

兩隻百厭星

2007-09-09T02:28:00.000-07:00

兩隻百厭星掛著訓覺, 佢地起碼每日訓十幾小時, 訓飽又有得食, 真幸褔...

一隻"攝"在電腦枱下邊, 另一隻在門後訓著咗

帶兩個小朋友出街玩

2007-09-08T08:13:00.000-07:00

今日下午有太陽, 帶咗佢地兩個去花園玩. 晒吓太陽健康. 佢地都好活躍, 走來走去好似好開心咁. 特別鍾意走去到草地. 香港有邊度可以有草地比佢地任玩呢...? 因為我怕草有殺虫藥所以都唔敢比佢亂咬植物.

小星食量仲係好小, 每晚開飯食一口又或者唔食跟著就去咗去. 星期三比咗仙人掌佢食, 點知佢又鬼咁鍾意食過唔停, 不過仙人掌唔可以當正餐, 佢再係咁唔肯乖乖食飯肯定營養不良.

星期四晚去咗金魚街睇龜龜, 見佢地又返咗好多新貨, 入咗好多星仔, 同老板傾咗一陣, 佢今次入既星仔質數都唔錯, 不過我巳經有兩隻, 唔會再買. 睇得多, 對於龜仔靚定唔靚巳經有些概念. 例如買星仔要簡殼夠拱夠圓, 背部紋理清晰線條對花而且粗紋, ; 豹仔要黑白分明, 顏色平均, 有人會鍾意較白淨的豹仔, 亦有人鍾意黑白色圈平均相間的豹仔, 隨著龜仔長大, 背部的花紋亦會不斷生長同變化, 是非常有趣. 龜雖然不似貓狗般需要人同佢玩, 但它們都是各有不同性格, 一般星仔性格文靜怕醜, 有些小星經常躲在一角, 用手捉起它便把頭縮入殼久久不伸出來... 養這種星會好悶. 而豹仔多數活躍好動. 其實每隻龜性格各有不同, 養得耐就知.

上: 小豹下: 小星

小星今晚仲係噴鼻波

2007-09-01T07:10:00.000-07:00

到底佢有什麼不妥... 今晚又見佢噴鼻波, 仲打噴嚏, 又無胃口. 買了紅外線燈比佢保溫, 但又有可能唔係冷親, 可能係熱親或者焗親. 晚上開了冷氣但不算太冷, 而用暖氈是否太焗...好擔心佢病.

用紙巾盒做了兩房給小朋友.幾有趣又實用

小朋友晒太陽

2007-09-01T00:33:00.000-07:00

今日天氣好好. 帶咗兩隻小朋友去晒太陽. 靚仔一去戶外就顯得特別活躍, 走來走去, 比起平日在室內埋頭睡的樣子審若兩龜.

小星則比靚仔乖, 總是斯斯文文不會亂爬. 不過它很令我擔心, 昨晚見到它噴鼻波. 星龜好容易有感冒病而且比較脆弱. 不過我想它應該不會是感冒, 只可能係我晚上開冷氣, 令佢日夜溫差太大而且不夠通風...今日下午不見佢再噴鼻波, 今晚可能要同佢加燈以免開冷氣冷親佢.

我覺得養佢地好需要一個露台或者天台, 比佢能更大空間走動, 如果空間不夠, 佢地就會成日埋頭訓覺. 去到戶外, 佢地又表現得好開心好好奇. 可惜香港人屋企太細. 連人都唔夠住... 將來如果有機會搬屋, 或者我會找個有天台的地方給兩隻小朋友可以周圍走, 比佢地可以健健康康咁生活.

靚仔終於有一個伴

2007-08-30T07:36:00.000-07:00

今日為靚仔找了個伴 - 小星. 未肯定佢係仔仔定女女, 我估佢可能能女女.
小星係一隻好大膽既龜仔. 它同其他星仔不同, 一點都唔怕人, 拿上手時候佢唔會縮反而仲手仔頭仔伸晒出來爪實你, 佢眼仔又圓又大好可愛. 在店內當我一拿起它, 它忽然散尿, 好險機乎一褲都係...不過從果時開始, 我就喜歡佢. 咁活潑唔怕人既小星, 一定可以好强壯咁成長.

靚仔見到新朋友仔, 樣子一面疑惑, 互相打量, 兩隻小龜頭碰頭好似唔多鍾意對方咁. 起初怕佢地會唔會打架呢... 哈! 其實龜係好善良既動物又點會爭寵. 過咗一日, 今晚返屋企見到個龜缸烏煙瘴氣!!! 多咗一隻真係連屎尿都多咗好多.

星仔唔易打理, 好多網友都話星仔氣管容易有病. 這兩隻龜仔巳有9公分大, 應該可以比幼體強壯一點. 日後還要好多心機打理佢地. 龜如果健康, 至少可以有40-60年命. 可以陪一世...真係一個好大責任...

靚仔又訓覺

2007-08-22T07:57:00.000-07:00

靚仔都幾爛訓

小豹BB第二日

2007-08-19T05:46:00.000-07:00

小豹b仍然好怕人, 昨晚的芥蘭一點也沒動過. 早上用溫水替它洗白白. 網上所寫, 陸龜仔每天浸浴可以令其健康排便, 不消一會, 小豹b綠色的便便散到我滿手都是....洗白白和排便可以令佢刺激食慾, 小豹b終於有胃口食野啦! 睇佢食得越來越開心, 連我都放心晒.

小豹b吃飽飽後又躲進一角睡覺了...

豹龜bb

2007-08-18T04:57:00.000-07:00

小豹龜第一日來到我家便很害羞, 躲藏一角整個下午動也不動, 即使用食物餌誘仍然不為所動, 希望它明天肯進食. 小豹龜這麼膽小, 可能暫時要放在室內養一段時間, 也許還要買一支光管照明...

龜龜

2007-08-17T08:35:00.000-07:00

同大家打個招呼, 我巳經16歲大個女啦, 我好百厭同活躍, 又為食...

熱鬥小魚

2007-08-11T06:06:00.000-07:00

今日在金魚街買咗條鬥魚.
見到它身上的顏色好美麗, 記得細過曾經養過這種魚,
它們好勇鬥狠, 一見同類就要打起來, 所以只能單獨飼養.

把一面鏡置於缸邊, 傻兮兮的鬥魚以為有同類,
立刻武裝起來, 把魚鰭亮起, 非常搞笑.

夾糖仔

2007-08-11T03:40:00.000-07:00

記得細個時夾糖仔曾經流行一時, 在雅蘭商場有幾間小舖仔,

各式各樣的軟糖, 可樂糖...形狀可愛, 細個都食唔少.

流行過後. 夾糖仔店瞬間消失晒,

現在只見到一間叫小蜜蜂的夾糖連鎖店在各商場出沒,

來夾糖的不只是細路, 還有一些女士, 男士, 情侶以至"師奶"都會幫襯.

經過夾糖店許多次都沒有衝動買, 可能今天被它的顏色所吸引才第一次光顧,

軟糖款式太多, 每種夾兩粒試試吧.

雜糖每克$8, 一袋軟糖附送一個膠夾仔才$16

旨在貪得意嘗嘗, 味道....全部都只有一個"甜"字, 其實口味分別不大.

遊船河好開心

2007-08-08T06:33:00.001-07:00

朋友公司舉辦船河活動, 叫埋我一齊去.

星期日天氣非常好, 第一次遊船河感覺好開心,

朝早十點半西貢碼頭巳經迫滿人出海,

等咗差不多半小時我地隻遊艇先泊到埋岸.

船家話今次去大蛇灣, 唔知邊度, 但見海上好多遊艇都向著同一方向進發,

去到大蛇灣, 巳經見好多遊艇停咗嚮度, 大蛇灣真係只得一個灣,

背面有個好細既沙灘仔, 不過好大浪唔多適合遊水.

船河活動包括有卡啦OK, 釣魚, 游水, 香蕉船, Wave Board, 打麻雀等.

中午有一頓海鮮午餐, 味道OK喎.

由船尾跳進大海, 感覺好涼爽啊!!

其實都驚...大海喎! 雖然識遊水, 但都係攬實個水泡最安全.

問船家拿了張咭片, 原來消費不便宜....

明碼實價: 星期六$3,500 平日2,500 星期日4,800

如果玩埋快艇, 香蕉船, 滑水等另加$2,000-2,500

不過我今次既船河係免費, 朋友既老細請既.

假設如果有三十人遊船河, 每人平均分其實都只係二百蚊,

不算太高消費喎. 其實可以約吓一班同學仔一齊搞次船河...